ගතකළ නිවහල්- සොඳුරු පැයේ..
බිඟුනඳ තැවරුණු- සෙනෙහස් හසකැන්
අප උන් තැන- පිපිරාව නැගේ..
පහස නොලත් තැන්- නැත අප දෙපතුල්
යායට සරසවි- බිම් තීරේ....
දෙදෙනා ආ මඟ- අද මා තනිවම
මතකයෙ සැමරුම්- එළි මතුවේ..
රැයක් දවාලක්- නොතිබිණි අපෙ ලොව
සිනහව එළි දැල්වූ...
දේශන හලකින්- තොරවූ දිවියක්
සොයමින් එහෙ මෙහෙ
පා එසවූ ..
විහඟ සර කුමටද- යන මඟ හෙමිහිට
අප හසරැල්
ඒ මඟ රැන්ඳූ.. 😊😊
බෙදා ගත් සැටි- සෝ සුසුමන් අපි
දනී අප උන්- ගල් බංකූ..
නියම, සූත්තර- ජාල මෝස්තර
සිතට බරයි දැනුනේ...
වනපොත් කළ සඳ- එකට ගිමන් හැර
යමලක් සැණෙකින්- ඇයි සැලුණේ..
සඳ බැස ගිය මුත්- ඒ සඳමයි යළි
පසු දිනයෙත්- මුදු කිරණ හලේ
එනමුදු පරවුණු- ඒ මල වෙනුවට
කිම තැන තැන- වෙන මල් පිපුණේ..-No one like anyone-